Podsjetimo, tribunal je zbog toga pokrenuo istragu kojom bi trebalo da utvrdi ima li osnova da Petronijevića optuži za nepoštovanje suda.
U danas objavljenom podnesku sudiji Ajdinu Akaju (Aydin Akay), Petronijević naglašava da “nije svjesno, ni namjerno otkrio medijima nijednu informaciju koja je, po njegovom najboljem znanju, bila povjerljiva”.
Kako naglašava, tog “dana su ga kontaktirali različiti mediji, kako bi komentarisao vjerodostojnost informacija da je haški sud odobrio privremeno oslobađanje Karadžića”.
“Svrha tih Petronijevićevih izjava medija bila je prvenstveno opovrgavanje tih glasina i davanje dodatnih objašnjenja”, podvučeno je u njegovom podnesku sudiji u Hagu.
Neki mediji, poput beogradskog Kurira, Petronijevićevu izjavu prenjeli su pod naslovom: “Radovana puštaju iz Haga-Karadžić uskoro na slobodi”, što je Tužilaštvo u Hagu i navelo u zahtjevu za istragu.
Karadžićeva odbrana i haški tužioci u jučerašnjim podnescima su naveli da nema osnova da beogradski advokat bude optužen za nepoštovanje suda, zato što dokument koji je objelodanio nije bio pod pečatom sudija, već strane u postupku. Tužilaštvo je, ipak, ostavilo rezervu da se, po haškim pravilima, može odgovarati i za objavljivanje povjerljive informacije sopstvene strane.
Prvostepenom presudom Karadžić je osuđen na 40 godina zatvora za genocid i druge zločine u BiH.
